«Мектепке дейiнгi тәрбие мен оқытуға мемлекеттiк бiлiм беру тапсырысын, ата-ана төлемақысының мөлшерін бекіту туралы» Қарағанды облысы әкімдігінің 2022 жылғы 17 наурыздағы № 16/01 қаулысына өзгерістер енгізу туралы

Қарағанды облысының әкімдігі ҚАУЛЫ ЕТЕДІ:

1. Қарағанды облысы әкімдігінің 2022 жылғы 17 наурыздағы № 16/01
   «Мектепке дейiнгi тәрбие мен оқытуға мемлекеттiк бiлiм беру тапсырысын, ата-ана төлемақысының мөлшерін бекіту туралы» (Нормативтік құқықтық актілерді мемлекеттік тіркеу тізілімінде № 27262 болып тіркелген) қаулысына келесі өзгерістер енгізілсін:

      көрсетілген қаулының 1, 2-қосымшалары осы қаулының 1, 2-қосымшаларына сәйкес жаңа редакцияда мазмұндалсын;

      көрсетілген қаулының 5 тармағы жаңа редакцияда мазмұндалсын:

«5. Осы қаулы оның алғашқы ресми жарияланған күнінен бастап қолданысқа енгізіледі, 1-тармағы 2024 жылғы 1 қаңтардан бастап туындаған құқықтық қатынастарға қолданылады.».

2. Осы қаулының орындалуын бақылау облыс әкімінің жетекшілік ететін орынбасарына жүктелсін.
3. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қарағанды облысының әкімі                                                 Е. Бөлекпаев